Mirlind Daku është në prag në një prej ndeshjeve më vendimtare në karrierën e tij me Kombëtaren e Shqipërisë.
Sulmuesi i Kombëtares shqiptare është 90 minuta larg për ta shijuar kualifikimin në Kampionatin Evropian 2024 me fanellën kuqezi, shkruan lajmi.net.
Daku është surprizuar nga banorët e lagjes “Arbëria” në Gjilan, lagje në të cilën ai u rrit para transferimit në Evropë.
Banorët e asaj lagjeje vendosën një banderolë në rrugën kryesore të lagjes në dedikim për Mirlind Dakun.
“Jam djalë nga Kosova më ka thirrë Atdheu” – thuhet në banderolën që përmban edhe fotografi të Dakut me fanellën e Shqipërisë.
Sulmuesi gjilanas publikoi fotografinë e banderolës në rrjetet sociale duke i falënderuar ata për përkrahjen.
Shqipëria të premten takohet me Moldavinë në udhëtim nga ora 18:00.
Mirlind Dakut me shokë iu nevojitet vetëm një pikë për të siguruar kualifikimin tutje.