Sot nis java e 23-të në Superligën e Kosovës në futboll.
Në program është vetëm një ndeshje, ajo mes Ferizaj dhe Suharekës.
Kjo ndeshje zhvillohet në stadiumin me bari sintetik në qytetin e Ferizaj nga ora 14:00.
Ferizaj dhe Suhareka kanë pikë të barabarta në ligë me nga 26-të, në pozitat 6 dhe 7.
Synimi i dy skuadrave është mbetja në ligë për sezonin e ardhshëm, pasi tashmë një kalim në Europë është vetëm “ëndërr”.
Kujtojmë që Suhareka është pa trajner, pasi ditë më parë largoi nga puna Qëndrim Kidën.