Tirana shënoi fitore të dielën mbrëma në derbin e madh ndaj Partizanit, me rezultat 0-2.
Ndonëse gjatë pjesës më të madhe të ndeshjes luajtën me karton të kuq, bardhekaltrit arritën të triumfonin falë dy golave të Redon Xhixhës dhe pritjeve fantastike të Visaj Bekajt, shkruan Gazeta Olle.
Bekaj ishte i jashtëzakonshëm në portë, në momentet kur Partizani po sulmonte me të gjitha forcat.
Tirana po e cilëson 25-vjeçarin si “jehonë të fitores” në derbi, pas pritjeve të tij.
Me këtë fitore, Tirana renditet në vendin e dytë në Superioren shqiptare 11 pikë pas gjashtë ndeshjeve, teksa Partizani mbetet në pozitën e parë me 12 sosh.