Anthony Joshua ka thënë se Tyson Fury “mund ta nxjerrë veten nga cirku” i përballjes së dështuar me Oleksandar Usykun, duke u pajtuar të përballet me të, raporton BBC.
Bisedimet mes Oleksandr Usykut, kampionit të botës në peshën e rëndë në versionet WBO, WBA dhe IBF, dhe Tyson Furyt kampionit në versionin WBC, dështoi javën e kaluar.
Joshua 33-vjeçar, përballet të shtunën me amerikanin Jermaine Franklin. Për ish-kampionin Joshua është përballja e parë e vitit 2023.
Joshua thotë se dëshiron të ketë një përballje britanike me Furyn, pavarësisht rezultatit në meçin kundër Franklinit.
“Nuk ka moment më të mirë për ta sjellë Furyn në ring, pasi atij i duhet ta nxjerrë veten nga ky cirk në të cilin u përfshi. Atij i duhem, kështu që nuk ka moment më të mirë për ta thirrur emrin tim dhe jam një person që pranoj sfidat”, tha Joshua.
Joshua 33-vjeçar ka bilanc prej 24 fitoreve (22 KO) dhe tri humbjeve.
Ai ka humbur dy meçet e fundit nga Usyku.