Ish-futbollisti brazilian, Juninho ka thënë se nëse është nevoja, trajneri i Al-Nassr, Rudy Garcia do t’i shërbejë edhe mëngjes Cristiano Ronaldos.
Ai ka thënë se Garcia nuk do të guxojë të bëjë asgjë që e pengon yllin portugez.
“Përkundrazi, do të shërbejë edhe mëngjes për Ronaldon nëse duhet. Ai do të përpiqet të jetë miku i Ronaldos, të jetë i afërt dhe do të bëjë gjithçka për këtë. Do të jetë një ëndërr për të që të jetë mik me Cristiano Ronaldon”, ka thënë Juninho në një intervistë për “Mais Futebol”.
Ai ka theksuar se përvoja e tij me Rudy Garcian ka qenë e tmerrshme në periudhën sa ishin bashkë te Lyoni. Atëbotë Juninho ka qenë lojtar, ndërsa Garcia trajner.