Trajneri gjerman Jurgen Klopp ka njoftuar sot se do të largohet nga Liverpool në fund të sezonit. Një lajm që ka ardhur si “rrufe në qiell të hapur” nga trajneri që udhëheq Premier League.
“Do të largohem nga klubi në fund të sezonit. Unë e kuptoj se është një tronditje për të gjithë ky lajm. Mund ta kuptoj se është një tronditje për shumë njerëz në këtë moment, por padyshim që mund ta shpjegoj ose të paktën të përpiqem ta shpjegoj”, tha Klopp në një video të postuar nga klubi.
“Unë dua absolutisht gjithçka në lidhje me këtë klub, dua gjithçka në lidhje me qytetin, dua gjithçka për mbështetësit tanë, e dua ekipin, e dua stafin. Unë dua gjithçka. Por që ende e marr këtë vendim tregon se jam i bindur. Është vendimi i duhur”, tha Klopp.
“Po më mbaron energjia. Tashmë nuk kam asnjë problem padyshim. E kam ditur se një ditë do të më duhet ta shpall nkëtë vendim, por tani jam absolutisht mirë. E di që nuk mund ta bëj punën përsëri dhe përsëri dhe përsëri dhe përsëri”, tha Klopp
“Pas viteve që patëm bashkë dhe pas gjithë kohës që kaluam bashkë dhe pas të gjitha gjërave që kaluam së bashku, respekti u rrit për Liverpool, dashuria u rrit për këtë klub dhe më e pakta që të detyrohem është e vërteta. Dhe kjo është e vërteta”, shprehet Klopp në videon emocionuese.