Juventusi ka arritur ta mposht Veronan si mysafir me rezultat 1-0 në kuadër të javës së 14-të të Serie A.
Pjesa e parë mes këtyre dy skuadrave nuk është se dolli diçka të bukur, me të dyja palët që ishin të kujdesshme.
Me të filluar pjesa e dytë, Pawel Dawidowicz i Veronas rrezikoi i pari, por nuk ishte i saktë.
Goli erdhi në minutën e 61-të, kur Adrien Rabiot asistoi te Moise Kean, i cili u fut në zonë dhe mposhti portierin Lorenzo Montipo për 1-0.
MOISE KEAN GOL ⚽️ pic.twitter.com/i2HAQiYqXK
— JuveFC (@juvefcdotcom) November 10, 2022
Në fundin e ndeshjes Verona kishte pretendime për penallti, por në dy raste u vendos që nuk kishte.
Në kohën shtesë Zonja e Vjetër mbeti me dhjetë veta, pasi Alex Sandro u ndëshkua me karton të kuq si lojtar i fundit.
Juventusi pas kësaj fitoreje ngjitet në vendin e tretë në renditje me 28 pikë.