Pas barazimit me Genoan xhiron e kaluar, Juventusi u rikthye sot te fitorja në Serie A.
Skuadra e drejtuar nga Massimiliano Allegri triumfoi në udhëtim te Frosinone, në kuadër të javës së 17-të.
Ndeshja e zhvilluar në stadiumin “Benito Stirpe” përfundoi me rezultatin 1:2.
Kenan Yildiz (12′) dhe Dusan Vlahovic (81′) shënuan golat e fitores për “Zonjën e Vjetër”.
Golin e vetëm për vendasit e shënoi Jaime Baez (51′).
Juventusi pas kësaj fitore ka 40 pikë dhe renditet i dyti në tabelë, me një pikë më pak se lideri, Interi, që momentalisht ka një ndeshje më pak.
Frosinone ndodhet në pozitën e 14-të me 19 pikë.