Pas disfatës që e pësoi xhiron e kaluar nga Milani, kampioni në fuqi i Italisë, Napoli, është kthyer te fitorja në Serie A.
Napoli fitoi 2:1 të dielën në shtëpi ndaj Genoas. Ndeshja i takoi javës së gjashtë. Jeff Ekhator e kaloi në epërsi Genoan në minutën e 34-të.
Napoli u përgjigj në pjesën e dytë duke i shënuar dy gola dhe për t’i fituar pikët e plota.
Frank Anguissa i barazoi shifrat në minutën e 57-të. Golin e fitores e realizoi Rasmus Hojlund në minutën e 75-të.
Te Napoli mungoi kapiteni i Kosovës, Amir Rrahmani, për shkak të lëndimit. Napoli ka 15 pikë dhe është në pjesën e epërme të tabelës. Genoa është në pozitën e parafundit me vetëm dy pikë.