Federata e Futbollit të Turqisë ka pezulluar trajnerin e Fenerbahçes, Jose Mourinho, për tre ndeshje.
Ky vendim vjen pas një gjesti të papërshtatshëm të Mourinhos në përfundim të derbit të Kupës së Turqisë ndaj Galatasarayt, ndeshje që përfundoi me fitoren 2:1 të ekipit mysafir.
Trajneri portugez u pa duke e kapur për hunde homologun e tij, Okan Buruk – një veprim që ngjalli reagime të shumta dhe u konsiderua si i papranueshëm nga autoritetet sportive.
Pas shqyrtimit të pamjeve dhe hetimeve përkatëse, Federata e Futbollit të Turqisë njoftoi sot zyrtarisht se Mourinho do të mungojë në tri ndeshje të ardhshme, duke mos pasur të drejtë të ulet në stol.
Ai do të jetë i pezulluar në përballjet kundër Trabzonsporit, Sivassporit dhe Kayserisporit.