Pas grumbullimit me Kombëtaren e Kosovës për ndeshjet e shtatorit, futbollistët e Kosovës janë rikthyer të luajnë me ekipet e tyre nëpër Evropë.
Sulmuesi Elbasan Rashani arriti të shënoj golin e parë në kampionatin francez, ku shënoi në fitoren e Clermont ndaj Ajaccio.
Bersant Celina këtë fundjavë shënoi golin e parë me skuadrën Kasimpasa dhe i dhuroi fitoren kësaj skuadre në ndeshjen kundër Gaziantep.
Njëri nga futbollistët që shkëlqeu këtë vikend e që nuk ishte i ftuar në ndeshjet e shtatorit ishte Mirlind Daku, i cili arriti të shënoj një tjetër gol me ekipin slloven, Mura dhe ish-sulmuesi i Ballkani momentalisht është topgolashënues në elitën e futbollit slloven.
Ish-sulmuesi tjetër i Ballkanit, Arbër Hoxha, në këtë vikend arriti të shënoj golin skuadrën e Slaven Belupos, ku realizoi ndaj gjigantit kroat, Dinamo Zagreb.
Vedat Muriqi këtë fundjavë luajti ndaj Barcelonës, ku skuadra e tij Mallorca u mposht nga ekipi katalan me rezultat 0-1.
Portieri Arijanet Muric, mungoi në ndeshjen e fundit të Kosovës ndaj Qipros, por u rikuperua nga lëndimi dhe luajti startues për ekipin e tij Burnley në ndeshjen ndaj Cardiff City.
Ndërkohë edhe kapiteni i Kosovës, Amir Rrahmani, luajti 90-të në fitoren e Napolit kundër Torinos.
/Gazeta10/