Nëpërmjet një fotografie të shpërndarë në Facebook, KB Peja ka shkruar se reagimet për gjërat që ndodhën në finalen e Superkupës së Kosovës janë vetëm sa për sy e faqe. Në njoftimin e klubit thuhet se në Kosovë çdo gjë kalon për vetëm 2-3 ditë.
Në postimin e fotos, Peja ka shkruar se aty shihet basketbollisti Lis Shoshi duke u kujdesur për njërin nga tifozët pejanë pas tollovisë së krijuar.
“Reagimet dhe deklaratat për ndodhitë e natës së kaluar në Suharekë janë vetëm sa për sy e faqe, të gjithë e dijmë se në Kosovën tonë të dashur çdo gjë kalon për vetëm 2-3 ditë. Po e shpërndajmë me ju si shenjë revolte një fotografi e cila ka përmbajtje ‘dashurie dhe kujdesi’. Në foto: Lis Shoshi duke u kujdesur për sigurinë e Mehdi-së në palestrën “13 Qershori” të Suharekës. Mehdi kupën nuk e fituam, t ‘kërkojmë falje, por e kuptuam se sa e bashkuar është kjo Pejë kur në pyetje është njëri-tjetri”, ka shkruar Peja.