Familjet e futbollistëve të Iranit që po paraqiten në Kupën e Botës në Katar janë kërcënuar me tortura dhe burgim nga Qeveria iraniane, në prag të ndeshjes së tensionuar që e luajnë të martën mbrëma ndaj SHBA-së.
Mësohet se futbollistëve u është kërkuar që t’i respektojnë rregullat para ndeshjes dhe të këndojnë himnin e Iranit, në të kundërtën familjet e tyre do të përballen me pasoja.
Lojtarët iranianë nuk e kënduan himnin në ndeshjen e parë të Botërorit ndaj Anglisë duke u solidarizuar me protestuesit në vend, ndërsa në fitoren ndaj Uellsit, ata i respektuan rregullat pasi nuk refuzuan ta këndojnë himnin.
Lojtarëve u është thënë se familjet e tyre do t’i nënshtroheshin “dhunës dhe torturës” nëse ata do të qëndrojnë të qetë gjatë ritualeve para duelit me amerikanit dhe nëse i bashkohen ndonjë grupi që proteston kundër regjimit të Republikës Islamike. Iranit i mjafton barazimi në ndeshjen e fundit të Grupit B për të avancuar në fazën eliminatore të Botërorit.