Spanja mbetet në krye të klasifikimit të skuadrave që kanë përfituar më shumë para, deri tani në Euro 2024. Gjermania ndodhet në vendin e dytë, ndërsa në të tretin janë pesë skuadra.
Spanja vazhdon të jetë mbreti i parave të përfituara nga kampionati evropian që po zhvillohet në gjermani. La Roja ishte skuadra që shtoi më shumë euro në fazën e grupeve falë numrit të përgjithshëm të fitoreve, gjë që e lejon të jetë e vetmja e aftë të marrë shumën maksimale, 28.25 milionë euro, nga fitimi i turneut.
Kombëtarja ka grumbulluar deri tani 9 milionë e 250 mijë euro, për pjesëmarrjen, 3 milionë për tri fitoret e fazës së grupeve plus 1.5 milion € për kalimin në fazën e 16-të.
Me fitoren ndaj Gjeorgjisë federata spanjolle shtoi në arkat e saj edhe 2.5 milionë euro të tjera. Deri tani në total 16 milion e 250 mijë euro. Gjermania, rivalja e radhës e Spanjës në çerekfinale të Euro 2024, është në vendin e dytë. Pas fazës së grupeve ajo arriti shifrën prej 13 milion e 250 mijë euro.
Mannschaft i rriti fitimet e tij në 15,750,000 duke qenë një ekip çerekfinalist. Në vendin e tretë ndodhen pesë vende: Portugalia, Turqia, Anglia, Franca dhe Zvicra me gjysmë milioni më pak se gjermanët. Holanda në vendin e katërt me 14 milion e 750 mijë euro.
Me më pak se 10 milionë euro të përfituara janë skuadra të tilla si Shqipëria, Skocia, Çekia dhe Polonia. /GazetaSport