Shoqata evropiane e futbollit UEFA ka publikuar sot listën e futbollistëve më të shpejtë në Kampionatin Evropian aktual.
Sigurisht që këto janë shpejtësitë më të larta të arritura nga futbollistët në sprintet e tyre gjatë ndeshjeve dhe siç pritej në vend të parë është Kylian Mbappe, shkruan Ballkani.info.
Mbappe pati sprintin më të shpejtë në Euro pasi vrapoi me shpejtësi 36.5 km/h, duke kaluar kështu rekordin e Karim Adeyemi nga Champions League, i cili vrapoi 36.3 km/h sezonin e kaluar.
Adeyemi është në lidhje me këngëtaren kosovare që jeton në Zvicër, Loredana.
Spanjolli Ferran Torres është në vendin e dytë në Euro me një sprint prej saktësisht 36 km/h dhe slloveni Benjamin Sheshko është i treti në këtë listë me një sprint prej 35.9 km/h.
I ndjekur nga Leroy Sane dhe Valentin Mihaila (35.8 km/h), Theo Hernandez (35.7 km/h), Dan Ndoye (35.6 km/h), Mickey Van de Ven (35.6 km/h), Rasmus Hojlund (35.5 km/h ) dhe Rafael Leao (35.4 km/h).
Kujtojmë se Euro ka arritur në fund dhe gjysmëfinalet janë planifikuar për në mesin e javës. Të martën do të takohen Spanja dhe Franca, ndërsa e mërkura është rezervuar për duelin mes Holandës dhe Anglisë.
Finalja do të luhet të dielën. /Ballkani.info/