Janë mbresëlënëse pamjet e emocionit të trajnerit të Argjentinës, Lionel Scaloni në stol gjatë ndeshjes 2-0 ndaj Meksikës, pas golit të shënuar nga Enzo Fernández. Në krahun e tij, edhe Pablo Aimar i përlotur, i cili ka shfaqur shenja të forta nervoze, pothuajse pa frymë, kur Messi shënoi.
Trajneri Scaloni foli në fund të lojës për këto imazhe, duke thënë se emocionet duhet të jenë më të kontrolluara: “Ishte një pasqyrim i asaj që jetojmë. Duhet të kemi pak më shumë sens të përbashkët dhe të mendojmë se është vetëm një lojë futbolli. Vëllai im më tha, se po qante. Unë nuk e ndaj atë ndjenjë që përjetojmë, edhe pse e dimë që është thjesht një lojë futbolli.
Ne duhet ta rregullojmë këtë. Nuk e ndaj dot, sepse ishte një ndeshje që duhej ta fitonim që të kualifikoheni, ose do të eliminoheshim. Ishte një ndjenjë lehtësimi. Është e vështirë t’i bësh njerëzit të kuptojnë, se nesër dielli do të lindë, do të fitojë ose do të humbasë. E rëndësishme është nëse jeni përkushtuar, si i keni bërë gjërat”,- tha Scaloni. /GazetaSport.info