Sulmuesi Mohamed Salah nuk do të largohet nga skuadra e Liverpoolit gjatë kësaj vere, ka insistuar trajneri Juergen Klopp.
Klopp të premten ka thënë se Salah do të jetë pjesë e Liverpoolit këtë edicion dhe se ekipi anglez nuk ka marrë asnjë ofertë për egjiptianin.
Ditë më parë, u raportuar se Al-Ittihadi kishte ofruar mbi 100 milionë euro për Salahun dhe se sulmuesi kishte kërkuar largimin nga Liverpooli.
Megjithatë, Klopp i ka përgënjeshtruar të gjitha. Ai ka shtuar se Liverpooli nuk do t’ia rinovonte kontratën Salahut, nëse do të donte ta shiste këtë verë.
“Nuk kemi çka të flasim për këtë çështje. Nuk kemi ofertë dhe Salah është lojtar i Liverpoolit. Edhe nëse do të kishte ofertë, përgjigja jonë do të ishte një jo e madhe”, është shprehur Klopp.
31-vjeçari ka kontratë me Liverpoolin deri në vitin 2025, ndërsa këtë edicion ka 1 gol e 1 asistim në dy ndeshje në Premier League.