Sulmuesi Neymar do të jetë vetëm njëri prej disa emrave të mëdhenj që do të largohen nga Paris Saint-Germaini këtë verë, pasi nuk bën pjesë në planet e klubit. Parisi tashmë e ka nxjerrë në shitje Neymarin dhe për kartonin e tij po kërkon të paktën 60 milionë euro.
Sipas “Gazzetta dello Sport”, Juventusi dhe Milani po bëjnë gati ofertat për ta bindur brazilianin për t’u transferuar në Serie A.
Neymar po shihet si përforcim i madh për sezonin e ri dhe 31-vjeçari është gati për një lëvizje të tillë.
Aktualisht, Neymar e ka përfunduar sezonin për shkak të operimit të nyjës së këmbës, ndërsa me Parisin ka kontratë deri në vitin 2026. Ai është pjesë e ekipit francez prej vitit 2017, ndërsa këtë sezon ka 18 gola e 17 asistime në të gjitha garat.