KF Rahoveci nuk do të mund t’i zhvillojë më ndeshjet në stadiumin “Jahja Danuza”.
Klubi njoftoi këtë të mërkurë se ka pranuar një vendim nga Komisioni për Infrastrukturë Sportive, që ia ndalon atyre të luajnë në shtëpi.
Ky vendim vije pasi vlerësimit se stadiumi ka infrastrukturë të dobët, në veçanti fusha, e cila thuhet se nuk i plotëson kushtet minimale për lojë.
Gjithashtu për këtë janë ankuar edhe disa klube tjera të Ligës së Parë.
“Tashmë edhe zyrtarisht pa stadium. Gjithsesi, nuk do të ndalemi. Organizimi do të përforcohet edhe më shumë, me figura të reja. Infrastruktura si anomali nuk do të na shuajë ëndrrën Superligë. Sepse ne besojmë. Ne punojmë”, thuhet në postimin nga rahovecianët.
Rahoveci e mbylli stinorin vjeshtor në pozitën e tretë në Grupin A të Ligës së Parë, me 25 pikë të grumbulluara nga 14 xhiro.