Të premten mbrëma, Saudi Al-Nassr njoftoi nënshkrimin e Cristiano Ronaldos dhe mori vëmendjen e botës sportive.
Shumë njerëz as nuk kishin dëgjuar për një nga skuadrat më të mëdha saudite deri mbrëmë, dhe brenda natës klubi nga Riadi fitoi miliona tifozë të rinj, gjë që shihet qartë nga numri i ndjekësve në Instagram.
Para njoftimit të transferimit të Ronaldos, 800 mijë njerëz e ndiqnin Al-Nassr në Instagram dhe në vetëm 12 orë ky numër u trefishua.
Numri i ndjekësve të Al-Nassrit është vazhdimisht në rritje, dhe në kohën e lajmit, klubi saudit ndiqet nga rreth 3.8 milionë njerëz.
Duke marrë parasysh trendin, pritet që së shpejti Al-Nassr të ndiqet nga më shumë se 5 milionë njerëz në këtë rrjet social.
Ronaldo është “karremi” i marketingut, ndaj nuk është çudi që drejtuesit e Al-Nassrit nuk kursyen para për ta sjellë atë.
Portugezi do të arkëtojë deri në 500 milionë euro në dy vite e gjysmë tek Al-Nassr, që është kontrata më e madhe në historinë e futbollit.
