Kombëtarja e Kosovës ka barë përgatitjet e fundit për ndeshjen e nesërme ndaj Rumanisë, në kuadër të Ligës së Kombeve.
Ajo që bie në sy është fakti se ekipi kombëtar nuk ka qenë asnjëherë në gjendje më të mirë se tash.
Ardhjet e reja si ajo e Fisnik Asllanit, Elvis Rexhbeçajt e Eliot Bujupi kanë shtuar forcën dhe sigurinë në ekip, derisa atmosfera në skuadër duket më e mirë se kurrë.
Nga ajo që kemi parë në stërvitje gjatë këtyre tri ditëve në ekipin kombëtar, është parë një atmosferë e jashtëzakonshme, dhe të gjithë premtojnë maksimumin, kjo edhe fal organizimit dhe kushteve shumë të mira të krijuara.
Si trajneri Foda, ashtu edhe lojtarët janë të bindur se tash janë në një situatë shumë më të mirë dhe se ekipi asnjëherë nuk ka qenë më në formë, kështu që asgjë tjetër nuk presin përveç fitores.
Pavarësisht kësaj, edhe këtë herë zërat për ta quar vëmendjen diku tjetër dhe jo të loja nuk mungojnë.
Dashakëqijtë në kohë kur ekipi ka nevojën më të madhe ata merren me fushën dhe duan ta çorientojnë skuadrën në prag të kësaj ndeshjeje të madhe. /Ballkani.info