Kombëtarja e Kosovës U17 ka mbërritur sot pasdite në Zagreb, ku do të marrë pjesë në turneun kualifikues për Kampionatin Evropian “Qipro 2024″.
Gjatë qëndrimit prej 10 ditësh në kryeqytetin kroat, Dardanët e drejtuar nga Arbnor Morina, do të zhvillojnë tri ndeshje në kuadër të Grupit 9, ku bëjnë pjesë edhe Kroacia, Anglia dhe Ishujt Faroe.
Ndeshjen e parë Kosova do ta zhvillojë të premten, në stadiumin ‘Branko Čavlović-Čavlek”, me fillim në orën 13:00.
Në ndeshjen e dytë, më 6 nëntor, Dardanët do të ballafaqohen me Kombëtaren e Anglisë, ndeshje e cila do të luhet në stadiumin ‘Ivan Laljak-Ivić’ në orën 12:00, derisa në ndeshjen e fundit, më 9 nëntor, Kosova do të përballet me Ishujt Faroe.
Kjo ndeshje gjithashtu do të zhvillohet në stadiumin “Ivan Laljak-Ivić”, në orën 13:00.
Lista e futbollistëve:
1. Almir Sinanaj – Grasshopper Club Zurich
2. Sebastian Paloka – KV Oostende
3. Engjell Krasniqi – Borussia Monchengladbach
4. Edmir Dakaj – FC Thun
5. Fation Haxhiu – FC Honka
6. Ron Isa – BSC Young Boys
7. Leonit Ismajli – DJK Ingolstadt
8. Dijar Haziri – FC Basel
9. Art Morina – KF Ramiz Sadiku
10. Reis Paci – KF Ramiz Sadiku
11. Skifter Mustafa – QS Prishtina
12. Leart Salihu – Servette FC
13. Hektor Krasniqi – FAC Wien
14. Arif Zeneli – Moss FK
15. Diar Rexhepi – VfB Stuttgart
16. Leotrim Jerliu – Tennis Borussia Berlin
17. Leart Bekolli – FC Twente
18. Edor Hajdini – TPS Akademia Turku
19. Floni Selimi – Hallescher FC
20. Dior Ilazi – FC Winterthur