Mund të kenë kaluar tashmë më tepër se dy ditë, por ndeshja mes Brazilit dhe Argjentinës në “Maracana” vazhdon të ngjall interes në Amerikën e Jugut, me mediat e huaja që nxjerrin në dritë informacione të reja nga përleshja mes Lionel Messit dhe Rodrigos.
Sulmuesi brazilian i Real Madrid thuhet se e filloi gjithçka, duke i quajtur lojtarët e Argjentinës “frikacakë”, pasi lojtarët e Scalonit vendosën të shkonin në dhomën e zhveshjes, pas sulmeve ndaj tifozëve të skuadrës.
Megjithatë, Fox Sports sjell detaje të reja nga përleshja, me Messin që kërkon respekt dhe… heshtje nga Rodrigo, të cilin madje e quan “djalë i vogël”!
“Ti je një djalë i vogël, duhet të shikosh gojën, kë quajte ti frikacak?”,- shprehet fillimisht Messi, ndërsa Rodrigo i përgjigjet: “Vazhdo lojën, do të na shohësh atje. Ne vijmë, ju shkoni. Ti je frikacak”.
Një fazë më vonë, Messi e kapi në qafë Rodrigon dhe braziliani i shprehu ankesat argjentinasit, duke i thënë: “Pse po më godet Leo? Jo ashtu, jo”.
“Ti je një puçërr e keqe… Ti je duke folur gjatë gjithë kohës”,- thuhet se shtoi më pas Messi për Rodrigon, duke e ngritur dhe shtuar: “Kujdes gojën vogëlush, mbylle dreqin, fëmijë. Pse jemi frikacakë? Ne jemi kampionë bote. Këtu (tregon “Maracanën”) u bëra kampion. Këtu”,- i tha Messi Rodrigos.