Futbollisteve të Kosovës u duhej fitorja ndaj Letonisë për t’u kthyer në Ligën B, që ishte edhe synimi i “Dardaneve”. Por futbollistet e Kosovës të martën barazuan 2:2 me Letoninë në Riga dhe kështu kthimin në nivelin e dytë, do ta kërkoj përmes plejofit. Kosova përfundoi e dyta në Grupin 6 me gjashtë me shtatë pikë. Letonia zuri vendin e parë me tetë pikë.
Letonia kaloi e para në epërsi me autogolin e Marigonë Tahirit në minutën e 17-të. Pas tre minutave, Kosova barazoi rezultatin. Golin e barazimit 1:1 e shënoi Blerta Smaili në minutën e 20-të. Shpejtë shënoi edhe golin e epërsisë 2:1. Në minutën e 31-të, golin për 2:1 e shënoi kapitenia Erëleta Memeti. Megjithatë, pjesa e parë përfundoi baras, 2:2. Golin e barazimit e shënoi Karifina Miksone në minutën e dytë shtesë të pjesës së parë.
Ky është edicioni i dytë i Ligës së Kombeve për futbolliste. Edhe në edicionin e parë Kosova ishte në Ligën C, përkatësisht në nivelin e tretë e të fundit. Por, kishte fituar grupin ku ishin Bullgaria dhe Maqedonia e Veriut. Kështu Kosova kishte kaluar në Ligën B në kualifikimet për Euro 2025.
Në kualifikime për Evropian, Kosova mbeti e fundit në Grupin B4, prapa Uellsit, Ukrainës dhe Kroacisë. Rrjedhimisht ra në Ligën C për këtë kampanjë.
Tani shpreson nëpërmjet plejofit kthimin në Ligën B.