Futbollistet e Kombëtares U19 të Kosovës e kanë siguruar promovimin në raundin e parë kualifikues në Ligën A për edicionin e ardhshëm.
“Dardanet” e reja e fituan edhe ndeshjen e tretë kualifikuese për “Euro 2025”, në Grupin 3 të Ligës B.
Kosova në stadiumin “Ta’ Qali” në Maltë fitoi ndaj Letonisë me rezultatin e thellë, 4:0.
Alba Shabani në minutën e 36-të realizoi për 1:0.
Gjashtë minuta më pas, Ramize Orana, e realizoi golin e dytë.
Elona Paci në minutën e 59-të realizoi për 3:0.
Golin përfundimtar e shënoi Olsa Maqastena në minutën e 94-t.
Futbollistet e udhëhequra nga Albina Rrahmani në dy ndeshjet e kaluara fituan 6:0 ndaj Maltës dhe 2:1 ndaj Kazakistanit.
Kosova e mbylli grupin në vendin e parë me nëntë pikë. Letonia u rendit në pozitën e dytë me katër pikë. Malta me dy pikë e zuri vendin e tretë dhe në pozitën e fundit mbeti Kazakistani me vetëm një pikë.