Kombëtarja e Kosovës do t’i mësojë sot emrat e ekipeve kundërshtare të Ligës së Kombeve 2024/25 të UEFA-s.
“Dardanët” do të njihen me emrat e ekipeve me të cilët do të përfundojnë në të njëjtin grup.
Kjo garë do të nisë në pjesën e dytë të vitit, më saktësisht më 5 shtator, ndërsa në atë muaj Kosova do t’i zhvillojë dy ndeshje, e dy të tjera në tetor dhe dy në nëntor, kur edhe do të mbyllet ky cikël i kësaj gare.
Kosova është pjesë e Ligës C të Ligës së Kombeve, ndërsa ka përfunduar në vazon e dytë bashkë me Bullgarinë, Azerbajxhanin e Ishujt Faro.
Shorti i Ligës së Kombeve do të hidhet në Paris të Francës duke filluar nga ora 18:00.