Kombëtarja U21 e Kosovës në futboll i ka nisur përgatitjet për dy ndeshjet miqësore ndaj Maqedonisë së Veriut. Stërvitjen e parë e kanë zhvilluar në stadiumin “Agron Rama” në Obiliq, ndërsa dy ndeshjet kundër Shpresave të Maqedonisë së Veriut, “Dardanët” e rinj do t’i zhvillojnë në Shkup.
Ndeshjen e parë e zhvillojnë të enjten nga ora 13:00, kurse të dytën më 17 nëntor nga ora 12:00.
Përzgjedhësi i Kosovës U21, Afrim Tovërlani, pret nga lojtarët e ftuar t’i dëshmojnë vlerat e tyre.
“Gjenerata është ndërruar, kemi vetëm tre apo katër futbollistë nga grumbullimi i mëparshëm. Kjo është stërvitja e parë dhe takimi i parë me disa prej lojtarëve të rinj. Do të zhvillojmë një lojë mes vete për të marrë më shumë informacione dhe për të kuptuar situatën e secilit prej tyre. Kjo do të na shërbejë për të parë ekipin dhe për të planifikuar përbërjen e skuadrës. Është një mundësi për lojtarët të tregojnë nëse e meritojnë të jenë pjesë e Kombëtares U21 të Kosovës”, ka thënë Tovërlani për Federatën e Futbollit e Kosovës.
Futbollistët, Leon Zeqiraj dhe Etnik Brruti, premtojnë maksimumin.