Mbrojtësi i Kosovës, Ilir Krasniqi, mund të ndërrojë skuadër në afatin kalimtar të janarit. Krasniqi luan për skuadrën nga Ukraina, Kolos Kovalivka.
Një tjetër klub nga kampionati elitar i Ukrainës po e kërkon mbrojtësin e qendrës.
Gazetari Mykhailo Spivakovskyi raporton se Polissya Zhytomyr është në negociata me Kolosin për transferimin e Krasniqit.
Nëse realizohet transferimi, Krasniqi do t’i bashkohej Polissyas për 2 milionë euro.
Te kjo skuadër së shpejti pritet të zyrtarizohet mesfushori Lindon Emërllahu.
25-vjeçari Krasniqi është pjesë e Kolos Kovalivkas nga viti i kaluar kur u transferua nga Llapi për 300 mijë euro.