Pas titullit të fituar sezonin e kaluar, Barcelona nuk po kalon një periudhë të mirë. Skuadra e Xavit tashmë është shtatë pikë prapa Realit të Madridit në renditje dhe, mbi të gjitha, nuk po arrin të gjejë vazhdimësi në rezultate dhe paraqitje.
Ndeshjet e fundit, mes Ligës së Kampionëve dhe kampionatit, kanë qenë shqetësuese dhe sidomos e fundit ndaj Almerias, e fituar 3-2, duket se ka lënë disa pasoja.
Siç raporton “Mundo Deportivo”, shpërthimi i trajnerit pas ndeshjes nuk është rast i izoluar. Xavi ishte shumë i zemëruar me lojtarët në dhomat e zhveshjes pas pjesës së parë, e cila përfundoi me rezultatin 1-1 (Leo Baptistao iu përgjigj golit të Raphinhas). Ish-mesfushori mësohet se ka thënë fraza të tilla si: “Dua të vraponi si derrat”, përpara se të sulmonte hapur një të paprekshëm si Robert Lewandowski.
Sulmuesi polak ka shënuar vetëm 9 gola në të gjitha garat deri më tani dhe në La Liga ai ka e gjetur rrjetën vetëm në një nga 5 ndeshjet e tij të fundit.