Kroaci heroike ndaj Brazilit, kthehet nga humbja dhe fiton me penallti për të kaluar në gjysmëfinale

Kroacia ka kaluar në gjysmëfinale të Katar 2022 pasi mposhti Brazilin me penallti, pasi koha e rregullt u mbyll 0-0, ndërsa vazhdimet 1-1.

Brazilianët që shiheshin si favorit para kësaj ndeshje kishin iniciativën, por që kroatët u treguan të fortë dhe arritën të neutralizonin sulmet e tyre.

Ivan Perisic kishte rastin e parë në ndeshje në minutën e 13-të, por nuk qëlloi cakun.

Në minutën e 20-të tentoi Brazili me Vinicius Junior, por goditja e tij u bllokua nga mbrojtja.

Brazili kishte për një për qind më shumë posedimin e topit, ndërsa edhe goditjet në kuadrat i kishte tri, përkundër asnjë të Kroacisë.

Selecao e nisi më mirë ndeshjen, duke rrezikuar që në start me Eder Militaon në minutën e 47-të, por Dominik Livakovic ishte në vend.

Në minutën e 55-të, Neymar gjuajti nga afër, por Livakovic ishte në vend,

Sërish rast i mirë në minutën e 66-të, kur Lucas Paqueta del i vetëm me Livakovic, por ky i fundi bën një pritje të bukur.

Neymar sërish rrezikoi në minutën e 76-të, ndërsa pas tij edhe Paqueta në minutën e 80-të, por sërish rrjeta nuk e gjet.

Ndeshja shkoi në vazhdime, dy herë nga 15 minuta, pasi skuadrat nuk gjetën rrjetën në 90 minuta.

Ndeshja shkoi në vazhdime dhe Neymar doli në pah me aftësitë e tij në minutën e 105-të.

Pas disa kombinimeve të bukura, Paqueta pasoi te Neymar që mori topin në zonë dhe me një lëvizje të bukur kaloi portierin për të shënuar për 1-0.

Festë e madhe e brazilianëve për golin që erdhi pasi disa rasteve të mira, sidomos në kohën e rregullt.

Kroatët duke e ditur që nuk kanë çfarë të humbnin bën disa zëvendësime, duke forcuar sulmin.

Zhvillohej minuta e 117 kur Mislav Orsic i futur në lojë, mori një top nga e majta, pasoi në zonë ku Bruno Petkovic gjuajti me të parën dhe topi u devijua nga mbrojtja për të përfunduar në rrjetën e Alisson për 1-1.

Fituesi u përcaktua me penallti, ku më të saktë ishin kroatët që fituan në fund me rezultat .