Kryeministri i Spanjës Pedro Sançez ka treguar se qeveria nuk ka fuqinë për ta larguar presidentin e Federatës Spanjolle, Luis Rubiales i kishte shkaktuar skandal në Kupën e Botës kur puthi futbollistet pas triumfit në finale ndaj Anglisë.
Opinioni në Spanjë nisi një kërkesë ndasj Kryministrit duke kërkuar shakrkimine tij, pork jo gjë nuk mund të ndodh.
Rubiales momentalisht është në vëmendjen e të gjithë mediave.
Pas kësaj, presidenti i Federatës kërkoi falje por të gjithë po e kërkojnë dorëheqjen e tij. Sidoqoftë, Qeveria nuk do të ketë fuqi për ta shkarkuar dhe këtë e konfirmoi Sançez në konferencë për shtyp.
“Ndoshta publiku nuk e di, por Federata Spanjolle e Futbollit nuk i përket strukturës dhe as organikës së qeverisë së Spanjës. Presidenti në detyrë zgjidhet dhe shkarkohet nga bashkëpunëtorët e tij. Por, siç e kam thënë, falja që ai ka kërkuar është e pamjaftueshme. Rubiales duhet të ndërmarrë më shumë hapa për të sqaruar një sjellje që është qartazi e papranueshme. Që nuk përfaqëson shumicën e spanjollëve, të cilët janë të përkushtuar qartë për barazinë e burrave dhe grave. Deklarata e tij për të kërkuar falje është e pamjaftueshme, ai duhet të jetë shumë më i qartë dhe më i fuqishëm në kërkesën e tij për falje”, theksoi kryeministri.