Kryetari i Komunës së Ferizajt, Agim Aliu, sot ka mbledhur stafin dhe lojtarët e klubit të FC Ferizaj, për të kremtuar shpalljen kampion dhe inkuadrimin në Superligë.
Në darkën e shtruar, i pari i komunës, Agim Aliu u shpreh se është i lumtur me suksesin e treguar nga FC Ferizaj, duke potencuar faktin se qytetarët e Ferizajt e meritojnë Superligën dhe një ekip të fortë e konkurues.
Nga kjo darkë, Aliu e dha lajmin e shumë pritur, e që i gëzon të gjithve se në muajin shtator të këtij viti do të fillojë projekti i ndërtimit të stadiumit të ri.
Anën tjetër, presidenti i FC Ferizaj, Lulzim Abazi, në emër të klubit, e falenderoi kryetarin Aliu për përkrahjen e vazhdueshme, duke theksuar se ky sukses do të ishte i pamundur pa ndihmën në forma të ndryshme të Komunës së Ferizajt.
Në këtë mbrëmje u shpërndanë mirënjohje edhe për veteranët e FC Ferizaj, tifozërinë UJQIT dhe akterët e tjerë që ndërlidhen me klubin tonë.
Superligë, na presin momente të bukura.
Të fala nga FC Ferizaj dhe Kryetari i Komunës së Ferizajt, Agim Aliu . /Ballkani.info