Ish-futbollisti i Kombëtares së Kosovës, Hekuran Kryeziu tash trajner të Kosova U21, ka thënë se futbolli i Kosovës ka ecur me hapa gjigant përpara dhe kjo është për ta përgëzuar.
“Unë e mbaj mend si ka qenë më herët, dhe ka qenë shumë vështirë për nga kushtet. Tash gjërat kanë ndryshuar dhe askush nuk kishte me besuar që futbolli i Kosovës do të ecë kaq shpejt përapara. Këtu është përparuar shumë dhe Federata ka bërë punë shumë të mirë”, ka thënë Kryeziu për faqen zyrtare të FFK.
Të kujtojmë se në kohën e Kryeziut 7-8 vite më parë kombëtarja nuk kishte as kushte të mira për stërvitje, ndërsa sot gjërat janë krejt ndryshe dhe futbollistët me shumë komoditet e zhvillojnë aktivitetin e tyre.