Haxhi Krasniqi bëri rikthim triumfal të shtunën mbrëma në Mynih.
Krasniqi mposhti boksierin rus që jeton në Belgjikë, Timur Nikarkhoev, me dorëzim. Nikarkhoev nuk doli nga këndi për fillim të rundit të gjashtë. Meçi i kategorisë së rëndë ishte paraparë të zhvillohej në dhjetë runde.
Për Krasniqin ishte meçi i parë që nga tetori i vitit 2021.
Ekipi i Nikarkhoevit ka treguar për KOHËN arsyen që çuan te dorëzimi i boksierit.
“Timurit mori frakturë në brinjë në rundin e katërt dhe nuk ishte në gjendje të vazhdonte më. Në katër rundet e para ishte mjaft mirë, por mori atë lëndim që e pamundësoi vazhdimin”, ka thënë menaxheri i Nikarkhoevit, Filiep Tampere.
Për Krasniqin ishte fitorja e 52-të në boksin profesionist, e 20-ta me ndërprerje, karshi shtatë humbjeve. Rusi Nikarkhoev pësoi humbjen e pestë karshi 26 fitoreve.