Sipas “Men’s European Football Injury Index”, lojtarët që kanë marrë pjesë në Kupën e Botës që u zhvillua në Katar kanë qëndruar mesatarisht 8 ditë më shumë se kolegët e tjerë në infermieri.
Dëmtime të natyrave të ndryshme, por media ka kaluar nga 11.32 ditë të tetorit 2022 në 19.41 të tetorit të sivjetshëm.
Për pasojë, kostoja e dëmtimeve në kampionatet madhore të Europës është rritur me 30 për qind duke kaluar nga 553,62 milionë euro (vjet) në 704,89 milionë euro (sivjet). Pjesa më e madhe e këtyre kostove është mbuluar nga shoqëritë e siguracioneve të cilave klubet u drejtohen për t’u ruajtur nga këto lloj situatash.
I njëjti studim vëren se nga tetori 2022 në janar 2023 janë rritur me 170 për qind dëmtimet në kavilje dhe 130 për qind ato në kofshë. Kulmin e kanë arritur problemet e pulpës dhe kërcirit me një dyfishin të dëmtimeve krahasuar me më parë.
Në muajt menjëherë pas kompeticionit në Katar, kampionati gjerman regjistroi 46 dëmtime dhe Premier League 49. Tendenca negative për La Ligën spanjolle (18), Ligue 1 franceze (11) dhe Serinë A (12) ishte më pak e mprehtë. Milani, me 52 lëndime, është një nga klubet më të prekura në nivelin më të lartë të futbollit italian. Problemet fizike kushtojnë gjithsej 9,23 milionë euro, mesatarisht 180 mijë euro për event.