Prishtina është kualifikuar në çerekfinale të Kupës së Kosovës në futboll, falë fitores 3:1 ndaj Dukagjinit.
Kryeziu hapi serinë e golave në minutën e 11-të me golin e epërsisë.
Golin e qetësisë për skuadrën e Ismet Munishit e realizoi Blesa në minutën e 22-të.
Ky i fundit i dha goditjen e fundit skuadrës nga Klina në minutën e 50-të kur shënoi golin e tretë.
Dukagjini gjeti golin në minutën e 78-të me futbollistin ukrainas Khomutov.
Ndeshja mes Prishtinës dhe Dukagjinit ishte paraparë të luhej një ditë më parë (e diel), por ishte shtyrë për shkak të kushteve jo të mira të fushës e cila ishte e mbuluar me borë dhe akull.