Kryeministri i Kosovës, Albin Kurti ka pritur në takim gjatë të enjtes kampionen e Superligës së Kosovës në basketboll, Pejën.
Peja është shpallur kampione e Kosovës për edicionin 2022/23 në Superligën e Kosovës në basketboll, pasi ka mposhtur Trepçën me rezultat të përgjithshëm 3:2.
Disa ditë pasi fituan titullin kampion, drejtuesit e klubit pejan dhe disa nga lojtarët kanë vendosur ta takojnë kryeministrin e Kosovës, Albin Kurti, në zyrën e tij në Qeveri.
Takimi ishte shumë i këndshëm për të dyja palët, teksa nuk munguan as batutat nga ana e kryeministrit, gjatë fotografimit me disa nga lojtarët e Pejës.
I tillë ishte momenti me basketbollistin Alban Veseli, ku pasi e bënë një fotografi ‘zyrtare’, kryeministri i kërkoi të ‘çlirohen’ pasi iu duk sikurse një fotografi me emisarin e dialogut, Miroslav Lajçak.
Ky moment shkaktoi shumë të qeshura mes të pranishmeve.
Ky moment shkaktoi shumë të qeshura mes të pranishmeve.https://www.instagram.com/reel/CsrlMDyI-W6/embed/captioned/?cr=1&v=14&wp=502&rd=https%3A%2F%2Fdemokracia.com&rp=%2Fkurti-pret-ne-zyre-kb-pejen-kampionin-e-kosoves-ne-basketboll%2F#%7B%22ci%22%3A0%2C%22os%22%3A1542.1999998092651%2C%22ls%22%3A1335.5999999046326%2C%22le%22%3A1538.6999998092651%7D