Sot mediat zvicerane kanë dhënë lajmin se portieri kosovar Amir Saipi do t’i bashkohet Kombëtares së Kosovës së shpejti.
Portieri 24-vjeçar që luan në Zvicër ka vendosur t’i thotë po fanellës dardane dhe ai pritet të ftohet qysh në ndeshjet e tetorit që Kosova luan me Lituanin dhe Qipron.
Saipi karrirën e nisi të skuadra e Schaffhausenit për të kaluar më pas në Grashoppers U21 ku ishte i huazuar. Pas paraqitjeve të mira aty rikthehet në ekipin e parë të Schaffhausenit ku luajti për dy vite, për të marrë më pas ofertë nga Lugano ku është edhe sot.
Saipi gjatë karrierës së tij për kategoritë e reja ka mbrojtur edhe ngjyrat e Zvicrës derisa shihet si një prurje e çmuar te Kosova. /GazetaSport