Khvicha Kvaratskhelia po shkëlqen me PSG-në që nga ardhja e tij në janar.
Në këtë periudhë të shkurtër ai formoi treshen e frikshme të sulmit me Dembelen dhe të riun, Desire Doue, të cilët janë shumë afër finales së Ligës së Kampionëve.
Mirëpo gjeorgjiani mund të arrijë diçka që rrallëherë një futbollist mund ta bëjë brenda një sezoni.
Kvaratskhelia ka arritur të shpallet kampion në Ligue 1, por mund të sigurojë edhe “Scudetton” e tij të dytë, në rast se Napoli shpallet kampion.
Ai ishte te Napoli në pjesën e parë të sezonit ku bëri 17 paraqitje, gjë që i mjafton për të siguruar medaljen e “Series A”.
Ndërsa te PSG-ja, ka bërë 22 paraqitje duke shënuar 5 gola dhe 3 asistime.