Shqipëria barazoi 2-2 në ndeshjen e dytë të Grupit B ndaj Kroacisë teksa pas ndeshjes foli autori i golit të parë, Qazim Laçi.
Mesfushori, theksoi se Shqipëria e meritonte minimalisht një pikë ndaj kroatëve ndërsa shtoi se ndaj Spanjës do të luajnë me besim për të tentuar pse jo kualifikimin.
“Ashtu si shkoi ndeshja me atë gol në fund, ne e meritonim të paktën një pikë. Ishte performancë shumë e mirë. Jam shumë i lumtur për goli, por më shumë rëndësi kanë pikët sepse tani kemi më shumë besi, për ndeshjen me Spanjën që do të jetë shumë e vështirë dhe pse jo më pas të mos tentojmë për vendin e dytë apo të tretë”, u shpreh Laçi.