Xhudistja kosovare, Laura Fazliu, ka fituar medaljen e bronztë për Kosovën në Lojërat Olimpike “Paris 2024”.
Fazliu në një prononcim ka treguar se e ka pritur këtë medalje.
Një ndjenjë shumë e mirë e kam prit që sa vjet këtë medalje”, tha ajo, transmeton Ballkani.info.
Ajo ka treguar se gjatë kësaj periudhe ka qenë e ngarkuar.
“Më rëndësi medaljen e kam marrë, kam qenë e ngarkuar më shumë se që duhet”, tha tutje ajo.
Fazliu ka treguar edhe për raportet që i mban më trajneren e saj, Majlinda Kelmendin dhe simboliken me numrin pesë të Driton Kukës.
“Me të vërtetë Majlindën e kam pas afër dhe kemi një raport shumë të mirë. Majlinda më ka motivuar dhe e kam pasur gjithmonë afër. Ndërsa, Toni me simbolin me numër 5 ke , për 5 medalje të fituara deri më tani”, tha ajo.
Ajo ka treguar edhe për sakrificën kur që ka bërë duke e lënë qytetin e lindjen Mitrovicën për t’u zhvendosur në qytetin e Pejës.
Fazliu ka shtuar se pas kthimit nga Lojërat Olimpike do të fillojnë për përgatitjet për Olimpiadën tjetër.
“Kur të kthehem do të punojë shumë për Lojërat Olimpikë që do të mbahen në vitin 2028-të, dhe të arrijë të fitojë medaljen e artë”, shtoj ajo. /Ballkani.info/