Laura Fazliu është ngritur në pozitën e parë në ranglistën botërore të xhudos.
Xhudistja kosovare tani është e para në kategorinë deri në 63 kilogramë.
Fazliu është bërë xhudistja e dytë e Kosovës që është në krye të renditjes botërore.
E para në botë në kategorinë deri në 52 kilogramë është edhe xhudistja Distria Krasniqi.
Trajneri i Kosovës në xhudo, Driton Kuka, e ka publikuar renditjen e dy garueseve të tij. Ai është shprehur krenar për këtë të arritur.
Gara e ardhshme për xhudistët kosovarë do të jetë Grand Slami në Abu Dabi, që mbahet pas një jave.
Do të garojnë xhudistët që kanë më shumë nevojë për pikë: Loriana Kuka, Akil Gjakova dhe Shpati Zekaj.
Në fillim të nëntorit është Kampionati Evropian në të cilin do të paraqiten Distria, Nora, Laura, Loriana, Akili si dhe Flaka Loxha.