Lazio ka fituar derbin e zjarrtë të kryeqytetit italian. Lacialët të dielën mbrëma fituan kundër Romës me rezultatin 1:0, në ndeshjen që i takoi xhiros së 27-të të Serie A të Italisë. Roma mbeti me një futbollist më pak në fushën e lojës që nga minuta e 32-të.
Mbrojtësi brazilian, Roger Ibanez, i cili u ndëshkua me karton të verdhë në minutën e tetë fillimisht, u përjashtua nga loja pas vetëm pak më shumë se gjysmë ore lojë. Këtë e shfrytëzoi Roma në pjesën e dytë. Mesfushori Mattia Zaccagni e shënoi golin e pikëve të plota në minutën e 65-të.
Ai u asistua nga Felipe Anderson. Me këtë fitore, Lazio forcohet në luftën për të siguruar një vend që dërgon në Ligën e Kampionëve edicionin tjetër. Roma mbetet në pozitën e pestë me 47 pikë.