Legjenda e Manchester United, Dwight Yorke zbuloi se ai zhvilloi një bisedë të fshehtë me Cristiano Ronaldo-n që ai pretendon se klubi do të donte të mbahej e fshehur.
Yorke foli me Ronaldo-n gjashtë muaj më parë pas sezonit më të keq të United në Premier League, i cili më vonë pa pesë herë fituesin e Topit të Artë duke u përpjekur të largohej nga Old Trafford.
Portugezi qëndroi në fund me Djajtë e Kuq, por ka kaluar një sezon të trazuar nën trajnerin e ri Erik ten Hag. Gjithçka u përkeqësua javën e kaluar kur Cristiano refuzoi të hynte në fushë kundër Tottenham-it dhe u largua përpara se të mbraonte ndeshja.
Si rezultat, Ten Hag e përjashtoi 37-vjeçarin për ndeshjen e mëpasshme kundër Chelsea-t dhe e urdhëroi atë të stërvitej vetëm në Carrington. Holandezi e ka rikthyer Ronaldon në ekipin e tij për ndeshjen e sotme në Europa League kundër Sheriff Tiraspol, por Yorke sugjeroi se ka më shumë për dramën e vazhdueshme.
Sulmuesi legjendar pretendon se CR7 i tha atij gjëra që United do t’i “paguante 5 milionë sterlina” për të mos i zbuluar. Yorke tha për The United Stand: “Në bisedën që pata me të, mora aq shumë informacione saqë nëse do të zbuloja disa nga gjërat që ai më tha, mendoj se United ndoshta do të më kishte paguar 5 milionë sterlina për të heshtur”.