Mesfushori i Real Madridit, Jude Bellingham, ka pësuar lëndim në muskulin e këmbës së djathtë, në duelin e fundit ndaj Mallorcas. Ai ballafaqim u mbyll 1:1, ndërsa Vedat Muriqi shënoi gol për Mallorcan.
“Rezultatet pas testeve të bëra të premten nga ekipi mjekësor i Real Madridit, tregojnë se Jude Bellingham e ka lënduar muskulin e këmbës së djathtë. Situata e tij do të monitorohet në ditët në vazhdim”, ka njoftuar gjiganti spanjoll të premten.
Mësohet se Bellingham do të jetë jashtë fushave për një muaj.
Ai pritet t’i mungojë përfaqësueses së Anglisë në ndeshjet e muajit shtator në kuadër të Ligës së Kombeve.