Leotrim Bekteshi është përforcimi i radhës i Llapit.
Klubi nga Podujeva zyrtarizoi sot marrëveshjen me qendërmbrojtësin, i cili edhe u prezantua me fanellën e skuadrës së tij të re.
Bekteshi ka nënshkruar kontratë një-vjeçare, me mundësi vazhdimi.
31-vjeçari së fundmi ishte pjesë e Ballkanit. Ai ka luajtur edhe Prishtina, Gjilani, Besa e Trepça ’89.
Leotrim Bekteshi karrierë ka bërë edhe në Slloveni te Iskra Borcice, si dhe te Mjondalen në Norvegji.
Njoftimi i plotë nga klubi i Llapit:
“𝗠𝗶𝗿𝗲̈𝘀𝗲𝘃𝗷𝗲𝗻 𝗸𝗮𝗺𝗽𝗶𝗼𝗻 𝗟𝗲𝗼𝘁𝗿𝗶𝗺 𝗕𝗲𝗸𝘁𝗲𝘀𝗵𝗶 ✍️🤝🤍💙
Kemi kënaqësinë t’iu njoftojmë marrëveshjen e arritur me qendërmbrojtësin, Leotrim Bekteshi.
Në prani të Drejtorit Sportiv, Mentor Zhdrella, qendërmbrojtësi mitrovicas ka nënshkruar kontratë 1 vjeçare me mundësi vazhdimi.
“Leo” është futbollist që trofetë janë aty ku është ai.
Bekteshi me Ballkanin është shpallur kampion në sezonin e fundit dhe ka fituar Superkupën. Me Prishtinën ka fituar titullin kampion, Kupën dhe Superkupën e Kosovës, teksa ka qenë edhe në formacionin e vitit me këtë skuadër.
Përvoja dhe stabiliteti i tij në mbrojtje padyshim që do jenë ndihmesë e madhe për ekipin tonë për t’i arritur objektivat që kemi në edicionin e ri.
“Leo” do bashkohet menjëherë me ekipin në përgatitjet parasezonale për edicionin e ri të Superligës që fillon në muajin gusht”.