Bayer Leverkusen fluturon në krye të renditjes së Bundesligës, teksa në javën e 16 ka triumfuar me rezultatin e thellë 4-0 ndaj Bochumit në “Bay Arena”.
Patrick Schick ishte heroi i “aspirinave” në këtë takim, pasi shënoi tre herë në 15 minutat e fundit të pjesës së parë. Sulmuesi çek zhbllokoi takimin me penallti në minutën e 30’ dhe më pas shënoi dy herë të tjera në të 32-tën dhe 45-ën, ndërsa rezultatin e vulosi Boniface në minutën e 69’.
Me këtë triumf, skuadra e drejtuar nga Xabi Alonso kryeson renditen me 42 pikë, katër më shumë se Bayern Mynih, që ia doli të triumfojë me rezultatin 1-2 në transfertën ndaj Wolfsburgut. Musiala dhe Harry Kane shënuan për bavarezët në pjesën e parë, ndërsa Arnold rihapi takimin për vendasit, që gjithsesi nuk ia dolën të shmangin humbjen.
Në sfidat e tjera, Stuttgarti triumfoi me rezultatin 3-0 ndaj Augsburgut, Eintrachti i Frankfurtit dhe Borussia Monchengladbach ndanë pikët falë barazimit 1-1 dhe Heidenhemi triumfoi 3-2 me përmbysje ndaj Freiburgut.