Komuniteti i futbollit në Kosovë po shfaq një unitet të gjerë rreth vazhdimësisë institucionale në Federatën e Futbollit të Kosovës, me Agim Ademin që po shkon drejt mandatit të tij të tretë në krye të FFK-së.
Gjatë mandateve të deritanishme, FFK ka shënuar progres të dukshëm në shumë fusha, duke përfshirë forcimin e pozitës ndërkombëtare të futbollit kosovar, zhvillimin e garave vendore, investimet në infrastrukturë dhe mbështetjen e vazhdueshme për klubet dhe kategoritë e reja.
Mbështetja e gjerë nga klubet, shoqatat rajonale dhe akterë të tjerë të futbollit po shihet si dëshmi e besimit ndaj punës së bërë dhe vizionit për të ardhmen. Uniteti brenda komunitetit vlerësohet si faktor kyç për vazhdimin e reformave dhe avancimin e mëtejshëm të futbollit në vend.
Me fokus në stabilitet, zhvillim dhe përfaqësim dinjitoz ndërkombëtar, mandati i tretë i Agim Ademit pritet të sjellë vazhdimësi të projekteve strategjike dhe hapa të rinj drejt forcimit të futbollit kosovar në të gjitha nivelet.
Kuvendi Zgjedhor i Federatës së Futbollit të Kosovës, do të mbahet nesër, derisa delegatët unanimisht janë përcaktuar që postin e kryetarit t’ja besojnë edhe për një mandat Agim Ademit.