Brukseli të mërkurën e konsideroi “të pamundur” organizimin e ndeshjes së futbollit midis Belgjikës dhe Izraelit, të planifikuar për 6 shtator në Nations League, një takim me rrezik të lartë për shkak të tensioneve të lidhura me luftën në Gaza.
Sipas një njoftimi për shtyp nga bashkia e Brukselit, “Zhvillimi i një ndeshjeje të tillë (Belgjikë-Izrael, në Ligën e Kombeve, më 6 shtator) në kryeqytetin tonë, në këtë periudhë veçanërisht të trazuar, padyshim që do të provokojë demonstrata dhe kundërvajtje të konsiderueshme, duke rrezikuar kështu sigurinë e spektatorëve, lojtarëve, banorëve të Brukselit, por edhe forcave tona të policisë”.
Federata Belge e Futbollit tha nga ana e saj se e “dënon” këtë vendim, duke shtuar se do të kishte rënë dakord që ta luante ndeshjen pa audiencë. “Ne po kërkojmë një zgjidhje që të mund ta luajmë ndeshjen në shtëpi kundër Izraelit”,- thuhet në njoftimin e federatës.
A do të mundet Belgjika ta pranojë Izraelin?
“Kjo ka të bëjë me Belgjikën, nuk është problemi ynë”,- u përgjigj Shlomi Barzel, zëdhënësi i Federatës Izraelite të Futbollit.
“Situata humanitare dhe e sigurisë në Gaza dhe pasojat e saj të shumta detyrojnë qytetin e Brukselit të njoftojë URBSFA (Federatën Belge të Futbollit) se organizimi i kësaj ndeshje nuk është i mundur në stadiumin “King Baudouin” që ndodhet në Laeken, një periferi të Brukselit, shpjegoi më tej komuna.