Liria e ka fituar derbin ndaj Feronikelit ’74 në kuadër të javës së 27-të në Grupin A të Ligës së Parë.
Ndeshja e zhvilluar sot në stadiumin “Përparim Thaçi” përfundoi me rezultatin 3:0.
Liridon Fetahaj shkëlqeu edhe në këtë ndeshje për prizrenasit duke shënuar dy gola, teksa një tjetër u shënua nga Qemail Elshani.
Pas kësaj fitore të Lirisë, “lufta” për pozitën e parë, që siguron inkuadrimin direkt në Superligë, është bërë edhe më interesante.
Liria tani ka 40 pikë në pozitën e dytë, teksa Feronikeli ’74 prin në tabelë me vetëm një pikë më shumë.